Hera e parë e LeBron James në Met Gala do të duhet të presë. Ylli i NBA-së, i cili ishte një nga kryetarët nderi të edicionit të këtij viti të eventit më të madh të modës, nuk do të jetë i pranishëm për shkak të një dëmtimi të pësuar në fund të sezonit.
Vetëm disa orë para tapetit të kuq, 40-vjeçari njoftoi në rrjetin social X se nuk do të mund të marrë pjesë në gala-n e New York-ut, pavarësisht entuziazmit të fansave.
Fatkeqësisht, për shkak të dëmtimit në gju që pësova në fund të sezonit, nuk do të jem në gjendje të marr pjesë në Met Gala sonte. Shumë njerëz më kanë kërkuar dhe përgëzuar – nuk dua ta humbas një ngjarje historike!
Megjithatë, LeBron nuk do të mungojë plotësisht, pasi bashkëshortja e tij Savannah James, të cilën ai e përshkroi si një “mbretëreshë të bukur dhe të fuqishme”, do ta përfaqësojë në eventin prestigjioz.
LeBron pësoi një dëmtim të ligamentit të shkallës së dytë në gjurin e majtë gjatë ndeshjes së fundit të sezonit, në humbjen e Lakers ndaj Minnesota Timberwolves më 30 prill. Pas ndeshjes, ai tha se vendimi për të ardhmen e tij në basketboll do të merret bashkë me familjen dhe ekipin mbështetës.
Ndërsa mungesa e tij do të ndjehet në tapetin e kuq, prania e Savannah premton të ruajë shkëlqimin e familjes James në këtë natë të madhe mode.
