Bota e modës dhe argëtimit është në ethe për ngjarjen më prestigjioze të vitit – Met Gala 2025, e cila zhvillohet si çdo vit në hënën e parë të majit, këtë herë më 5 maj. Ngjarja mbahet në “Muzeun Metropolitan të Artit në New York” dhe organizohet për të mbledhur fonde për “Institutin e Kostumeve”.
Ndër bashkëkryetarët e këtij viti janë Pharrell Williams dhe Lewis Hamilton, dy figura të njohura që premtojnë të sjellin stil dhe ndikim në këtë edicion të veçantë.
Cila është tema e Met Gala këtë vit?
Tema e sivjetme është “Superfine: Tailoring Black Style”, e frymëzuar nga libri i Monica L. Miller “Skllevër të Modës: Dandyizmi i Zi dhe Stilizimi i Identitetit të Diasporës së Zezë”. Kjo është hera e parë pas më shumë se dy dekadash që Met Gala fokusohet ekskluzivisht te moda mashkullore.
Kodi i veshjes është: “I përshtatur për ty” – duke nxitur të ftuarit të shprehin individualitetin përmes elegancës së kostumeve të stilizuara me kujdes.
Kush merr pjesë?
Met Gala është një ngjarje ultra-ekskluzive, me vetëm rreth 450 të ftuar, që përfshijnë yje të filmit, muzikës, modës dhe artit. Shpesh, markat e njohura të modës sponsorizojnë pjesëmarrjen e yjeve, duke i veshur me krijimet e tyre dhe duke përfituar vëmendje globale.
Sa kushton pjesëmarrja?
Një biletë individuale për Met Gala arrin çmimin prej 75,000 dollarësh, ndërsa një tavolinë prej 10 vendesh mund të kushtojë nga 350,000 dollarë e lart. Të gjitha të ardhurat shkojnë për të mbështetur “Institutin e Kostumeve”, që është pjesë e Met Museum.
Ndërsa shumica në Mbretërinë e Bashkuar do të jenë duke shijuar një ditë pushimi, stilistët, publicistët dhe asistentët personalë të yjeve do të jenë në një garë me kohën për t’i përgatitur për tapetin e famshëm të kuq në shkallët e Met-it.
Met Gala nuk është thjesht një event – është momenti ku moda dhe arti bashkohen në spektakël!
