Lily Allen ka zbuluar së fundmi arsyen pse vendosi t’i nënshtrohej një operacioni gjoksi, vetëm pak javë pasi doli nga një qendër traume, duke folur hapur për pasojat e rënda emocionale të divorcit nga aktori David Harbour.
Këngëtarja 40-vjeçare, e cila u nda nga ylli i Stranger Things në fund të vitit 2024, pranoi se periudha pas ndarjes ishte “jashtëzakonisht e dhimbshme”.
Fillimisht ajo kishte thënë se operacionin e bëri për një “glow up” personal, por në një intervistë për The Observer tregoi se arsyeja e vërtetë lidhej me humbjen drastike të peshës pas ndarjes.
Kam qenë gjithmonë shumë e vogël në pjesën e sipërme dhe u shqetësova se, kur pesha të kthehej, do të shkonte vetëm te këmbët. Mendova se, nëse do të bëja gjoksin, do të ndihesha më mirë me shtimin e peshës
-u shpreh Lily.
Ajo tregoi se operacionin e bëri menjëherë pas qëndrimit dyjavor në një qendër traume në Nashville, ku po përpiqej të rikuperohej emocionalisht nga ndarja, të cilën e përshkroi si “shkatërruese”, si emocionalisht ashtu edhe financiarisht.
Lily foli edhe për gjendjen e rënduar psikologjike pas divorcit, duke pranuar se kishte humbur oreksin dhe gjumin, ndërsa vajzat e saj i kishin vënë re dobësimin e tepruar.
Përvoja e dhimbshme është reflektuar edhe në albumin e saj të ri “West End Girl”, i cili trajton hapur ndarjen dhe dyshimet për tradhti nga ana e Harbour.
Albumi ka marrë vlerësime shumë pozitive dhe ka arritur vendin e dytë në klasifikimet britanike, duke shënuar një rikthim të fortë në karrierën e saj muzikore.
Pavarësisht periudhës së vështirë personale, Lily Allen duket se po rindërton jetën e saj, mes suksesit profesional dhe një fillimi të ri në Londër.
