Loredana Brati ishte e ftuar në emisionin “S’e Luan Topi”, ku dha një intervistë të sinqertë dhe mbresëlënëse, duke fituar vlerësime dhe mbështetje nga publiku për sinqeritetin dhe qartësinë e saj.
Gjatë intervistës, ajo ndau detaje të jetës personale dhe familjare, por vëmendje të madhe mori kur u pyet për marrëdhënien me Jozin, me të cilin nisi një lidhje brenda shtëpisë së “Big Brother VIP Albania”.
Kujtojmë se situata mes tyre u tensionua pas incidentit gjatë largimit të tyre nga shtëpia.
Megjithatë, Loredana u shpreh se ndjenjat për Jozin nuk janë shuar:
Jam ende e dashuruar me të, ndjenjat nuk fshihen kaq lehtë
– deklaroi ajo, duke zbuluar se ende mban unazën që ai i dhuroi gjatë qëndrimit në shtëpi.
E pyetur për të ardhmen e lidhjes së tyre, Loredana theksoi se dëshiron të marrë vendime të balancuara:
Dua t’i shikoj gjërat mirë, nuk i falem dot vetëm ndjenjave
– tha ajo, duke theksuar rëndësinë që zemra dhe mendja të ecin bashkë.
Aktualisht, Loredana tha se nuk e ka takuar ende personalisht Jozin, përveç disa komunikimeve të shkurtra.
Sa i përket vendimit të saj për marrëdhënien, ajo u shpreh se e ka marrë tashmë një vendim, por preferon t’ia lërë kohës për të hequr çdo dyshim dhe për të sqaruar ndjenjat e saj plotësisht.
