Një ditë sportive u shndërrua në tragjike për Ettore Pausinin, xhaxhanë e këngëtares së njohur Laura Pausini. Mediat italiane raportojnë se 78-vjeçari vdiq pasi u godit nga një makinë që iku me shpejtësi në periferi të Bolonjas.
Aksidenti ndodhi në Via degli Stradelli Guelfi, midis Castenasos e San Lazzaro di Savenaa. Një model i vjetër Opel Astra, goditi biçikletën e Pausinit ballë për ballë, duke e rrëzuar atë në tokë. Shoferi nuk u ndal për të ofruar ndihmë dhe iku nga vendi i ngjarjes me shpejtësi.
Shërbimet e urgjencës mjekësore shkuan me shpejtësi, por për fat të keq Pausini nuk mundi të shpëtonte.
Sipas raportimeve fillestare, ai po kthehej nga një nga udhëtimet e zakonshme me biçikletë kur për arsye që ende nuk dihen, u godit nga një makinë që udhëtonte në drejtim të kundërt. Disa dëshmitarë raportuan se e panë biçikletën të “fluturonte” pas përplasjes.
Karabinierët nisën një hetim dhe po analizojnë kamerat e mbikëqyrjes në zonë për të identifikuar personin përgjegjës. Ai ishte një çiklist i apasionuar dhe figurë e njohur në shoqatën Onconauti të Bolonjës, që ofron rehabilitim për pacientët me kancer.
Për më shumë se 30 vite kishte punuar si berber në Piazza Azzarita dhe ishte pikë referimi për shumë klientë e miq. Vitet e fundit, kishte luftuar duke kapërcyer kancerin dhe më vonë u bë zëdhënës i shoqatës Onconauti, e cila ofron rehabilitim për pacientët me kancer.
Në vitin 2016, Laura Pausini e festoi me një postim në mediat sociale:
Xhaxhai im Ettore Pausini është një kampion i vërtetë. Jam krenare për ty dhe mjekët që të trajtuan. Të dua!
Angazhimi i tij për të rritur ndërgjegjësimin për parandalimin e kancerit dhe për të mbështetur pacientët e bëri simbol të forcës e shpresës.
