Aktorja e njohur Margot Robbie është fotografuar duke shijuar një mëngjes të qetë Pashke në plazhin e Queensland, së bashku me bashkëshortin e saj Tom Ackerley dhe djalin e tyre të porsalindur.
34-vjeçarja dukej e relaksuar dhe në formë të shkëlqyer, e veshur sportive dhe me syze dielli, teksa ecte zbathur në rërë.
Ndërkohë, Tom, 35 vjeç, mbante me përkujdesje të birin të mbështjellë me një batanije me motive koala, ndërsa të dy shëtisnin buzë detit me kafe në duar.
Ky është momenti i parë publik i çiftit me foshnjën e tyre, të lindur në tetor, megjithatë emri i tij nuk është bërë ende i ditur.
Sipas burimeve të afërta me çiftin, ata janë duke shijuar plotësisht këtë fazë të re në jetën e tyre, të përkushtuar maksimalisht ndaj prindërimit pas një periudhe të gjatë pritjeje për të sjellë në jetë fëmijën e tyre të parë.
Margot dhe Tom, të cilët u njohën në vitin 2013 gjatë xhirimeve të filmit “Suite Française”, janë martuar në vitin 2016 dhe kanë krijuar bashkë kompaninë filmike “LuckyChap Entertainment”, që ka prodhuar disa projekte të suksesshme në Hollywood. Tani, përveç bashkëpunimit profesional, ata po përjetojnë një kapitull të ri si prindër të lumtur.
