Mariah Carey ka tërhequr vëmendjen në një event luksoz të Tiffany & Co në New York City, ku u shfaq me një paraqitje elegante që ka bërë menjëherë xhiron e rrjeteve sociale.
56-vjeçarja u shfaq me një fustan të bardhë të ngushtë dhe me supe të zbuluara, duke theksuar linjat e saj dhe stilin karakteristik glam. Pamjen e kompletoi me një rrip të artë në bel dhe flokë të gjatë me onde voluminoze, një stil që prej vitesh është bërë firmë e saj personale.
Eventi ishte organizuar për lançimin e koleksionit “Blue Book 2026: Hidden Garden”, ku mblodhi edhe emra të tjerë të njohur të showbiz-it ndërkombëtar.
Në të njëjtën mbrëmje, Diane Kruger u shfaq me një fustan të mbuluar me rruaza dhe thekë, ndërsa Rosie Huntington-Whiteley zgjodhi një fustan të bardhë minimalist pa rripa.
Paraqitja e Carey vjen vetëm pak kohë pas një videoje virale në TikTok, ku ajo shihej duke bërë pazar në supermarket dhe duke bërë shaka me fansat, një moment që u përhap shpejt në rrjet.
Në video, këngëtarja dëgjohej duke komentuar me humor situatën, duke shtuar edhe një herë imazhin e saj si një nga figurat më ikonike dhe më të komentueshme të muzikës pop.
