Një ndër çiftet më të njohura dhe të përfolura të showbiz-it, Megan Fox dhe Machine Gun Kelly, duket se kanë vendosur të ndahen, vetëm disa muaj pas njoftimit të shtatzënësisë së Megan, ka raportuar TMZ.
Sipas burimeve për TMZ, ndarja mendohet se ka ndodhur gjatë Ditës së Falënderimeve, ndërsa çifti po kalonte pushimet në Vail, Kolorado. Lajmi ka tronditur fansat, pasi ata kishin pasur një lidhje të fortë dhe pritet të bëhen prindër së shpejti.
Duket se shkaku i ndarjes lidhet me diçka shqetësuese që artistja ka zbuluar, pasi ka gjetur materiale në telefonin e Machine Gun Kelly që e kanë bezdisur.
Pas kësaj, MGK ka lënë herët udhëtimin dhe që atëherë, ata nuk janë parë më së bashku.
Ndarja është bërë edhe më e komplikuar, pasi Megan është shtatzënë me fëmijën e Machine Gun Kelly dhe pritet të lindë në muajin mars.
Çifti tani po kalon një periudhë të vështirë, ndërsa përgatiten për ndryshimet që do të sjellë ardhja në jetë e fëmijës.
