Këngëtarja e njohur Meghan Trainor tërhoqi vëmendjen në eventin “Wango Tango” të iHeartRadio këtë fundjavë, ku bëri paraqitjen e saj të parë publike pas operacionit për zmadhimin dhe ngritjen e gjoksit.
Artistja 31-vjeçare, e njohur për hitin “Made You Look”, u shfaq me një fustan rozë me prerje të theksuara dhe shkëlqeu në tapetin e kuq me vetëbesim e elegancë.
Trainor kishte njoftuar më herët për këtë ndërhyrje përmes rrjeteve sociale, duke e përshkruar si një hap të rëndësishëm për vetëbesimin e saj.
Gjithmonë kam pasur vështirësi ta dua gjoksin tim… më në fund janë motra binjake dhe jo kushërira të largëta
-u shpreh ajo me humor në një intervistë të mëparshme.
Pas paraqitjes në tapetin e kuq, këngëtarja u ngjit në skenë për të performuar, ndërsa ndjekësit vlerësuan hapur transformimin e saj.
Në jetën personale, Trainor dhe bashkëshorti i saj, aktori Daryl Sabara, kanë treguar se po përdorin ilaçin Mounjaro – një medikament për diabetin e tipit 2, i cili po përdoret gjerësisht edhe për humbje peshe. Çifti ka kombinuar përdorimin e tij me një regjim të strukturuar ushqimor dhe aktivitet fizik të rregullt.
Nuk ka asgjë të turpshme nëse dikush zgjedh ta bëjë këtë për shëndetin dhe mirëqenien e vet
-tha Trainor në podcastin e saj, duke shtuar se ajo dhe Daryl e përballojnë çdo sfidë bashkë.
Me sinqeritetin që e karakterizon, Meghan Trainor vazhdon të frymëzojë publikun me mesazhe të fuqishme për vetëpranim dhe kujdes ndaj trupit.
