Ndërsa Italia ka përfunduar sezonin e mbushur me ushqime festive, një fshat i vogël në Abruzzo po përgatitet për të ngrënë më shumë se kurrë. Villavallelonga, një fshat malor brenda Parkut Kombëtar të Abruzzo, do të mbajë më 16 janar traditën e saj të famshme, La Panarda, një banket i madh komunitar ku çdo familje ndan ushqim me fqinjët dhe miqtë.
Rreth 80 familje në këtë fshat me vetëm 900 banorë përgatitin menu me deri në 50 gatime të ndryshme. Festa nis rreth orës 20:00 me antipasta me 10 lloje, vazhdon me supë, pasta dhe pjata me mish dhe perime, dhe shpesh përfundon në orët e para të mëngjesit, ndërsa disa vazhdojnë të përgatisin favata, supë me fasule që do të shpërndahet ditën e nesërme.
La Panarda mbahet në nder të Shën Antoni Abatit, shenjtorit mbrojtës të kafshëve, një traditë e ngulitur thellë në kulturën bujqësore të fshatit. Festa lidhet me dy ‘mrekulli’ historike të shekullit të 1600; shpëtimin e një fëmije nga një ujk dhe një incident ku tokën e një pronari e punuan njerëz të panjohur që rezultuan të jenë djaj, të cilët u larguan falë ndërhyrjes së shenjtorit.
