Grupi rok Metallica po i inkurajon fansat e tyre të dhurojnë gjak dhe plazmë përpara koncerteve të tyre në Mbretërinë e Bashkuar, duke rritur ndërgjegjësimin për nevojën jetike për donacione. Grupi rok i heavy metalit Metallica së shpejti do të shkojë në Mbretërinë e Bashkuar për të mbyllur pjesën europiane të turneut të tyre botëror M72. Përpara koncerteve të tyre në Glasgow, Cardiff dhe Londër, grupi po bashkëpunon me shërbimet e gjakut.
James Hetfield dhe grupi i tij po bashkëpunojnë me shërbimet e gjakut në Mbretërinë e Bashkuar – NHS Blood and Transplant të Anglisë, Shërbimin e Gjakut të Uellsit dhe Shërbimin Kombëtar të Transfuzionit të Gjakut Skocez, për të inkurajuar fansat e tyre të dhurojnë gjak dhe plazmë përpara koncerteve të tyre. Iniciativa është një zgjatim i punës së bërë nga bamirësia All Within My Hands e Metallica dhe rrit ndërgjegjësimin për nevojën e vazhdueshme për dhurime gjaku.
Gjaku dhe plazma kanë një afat ruajtjeje prej vetëm 35 ditësh, kështu që mbështetja dhe ndërgjegjësimi i vazhdueshëm janë jetike, pasi dhurimet luajnë një rol të rëndësishëm në mbështetjen e viktimave të traumave, pacientëve me kancer, nënave të reja dhe atyre që jetojnë me sëmundje afatgjata. Çdo dhurim mund të shpëtojë deri në tre jetë.
Kudo që shkojmë në turne, duam t’u japim diçka domethënëse komuniteteve që na mirëpresin. Kemi parë në Shtetet e Bashkuara dhe Australi se si bashkëpunimi me shërbimet e gjakut mund të ndihmojë në rritjen e ndërgjegjësimit për dhurimin e gjakut dhe mbështetjen e pacientëve, dhe jemi të emocionuar që ta sjellim të njëjtën qasje edhe në Mbretërinë e Bashkuar. Ndërsa mbyllim pjesën evropiane të ‘M72 World Tour’ në Mbretërinë e Bashkuar, po u kërkojmë fansave të bëjnë një hap përpara dhe të jenë pjesë e diçkaje më të madhe se shfaqja. Të kujdesemi për njëri-tjetrin dhe të mbështesim ata që mbështeten në gjakun e dhuruar çdo ditë është një akt i thjeshtë që mund të bëjë një ndryshim të fuqishëm.
