Duket se ka shenja përmirësimi nga moti i keq, me shira të dendur që kanë mbërthyer vendin duke sjellë përmbytje. Situata problematike nuk ka kursyer as qarkun Fier, ku sipas përditësimeve të fundit, duket drejt përmirësimit. Ndërkaq, niveli i lumenjve Vjosë, Seman e Shkumbin është në rënie e ka raportime se ujërat kanë filluar të tërhiqen nga tokat bujqësore.
Informacion mbi situatën në Qarkun Fier, ora 07:00
Gjatë natës e në vazhdim së bashku më strukturat vendore, kemi monitoruar situatën dhe prurjet në lumenjtë Vjosë, Seman dhe Shkumbin, nga ku rezulton:
– Lumi Vjosë ka ulje të nivelit, ka filluar të tërhiqen ujërat edhe nga tokat bujqësore në Kashisht, Kafaraj
– Lumi Shkumbin në kuota normale dhe nuk ka paraqitur probleme
– Lumi Seman, ka filluar të ulet por përsëri është në kuota të larta. Ka dalje nga shtrati por brenda argjinaturës.
Gjatë ditë së djeshme strukturat e Bordit Rajonal të Kullimit dhe Drejtoritë e Ujitjes në bashki kanë kontrolluar dhe monitoruar argjinaturat pranë lumenjve, nga ku rezulton se:
– Deri në këto momente nuk kemi cenim të infrastrukturës kritike të argjinaturave
– Nuk kemi akse rrugore të bllokuara.
– Nuk kemi fshatra apo lagje të izoluara nga uji
– Nuk ka banesa nën ujë.
– Nga lumi Seman janë prekur disa kasolle (bagëti të larguara) apo depozita bari por brenda argjinaturës.
– Aktualisht, moti është me reshje me intensitet të ulët
– Nevoja për mbështetje deri në këto momente nuk kemi.
