Vetëm dy ditë pasi artisti i njohur i grafiteve TVBoy krijoi një mural për të nderuar talentin e ri të futbollit, Lamine Yamal, vepra është vandalizuar nga persona të panjohur. Murali e paraqiste sulmuesin spanjoll të veshur si Supermen, por në vend të shkronjës “S” në kostum, ishte vendosur shkronja “L”, si simbol i emrit të tij.
Piktura u realizua në qytetin e Mataró-s, vendlindja e Yamalit, dhe kishte për qëllim të përçonte një mesazh përpjekjeje, force dhe arritjeje – duke reflektuar rrugëtimin e vështirë të një të riu drejt majës së futbollit europian.
Në festë thuhet se janë përdorur persona me xhuxhizëm për qëllime argëtimi, një veprim që është dënuar nga organizatat që mbrojnë të drejtat e tyre dhe ka shkaktuar zemërim publik.
Sipas të përditshmes “Marca”, autorët e dëmtimit të muralit ende nuk janë identifikuar, por akti ka nxitur reagime të shumta nga komuniteti lokal dhe përdoruesit e rrjeteve sociale, të cilët ndajnë mendime të ndryshme rreth asaj që ndodhi.
