Bota e muzikës ka humbur një nga ikonat e saj më të dashura. Këngëtarja britanike e jazz-it, Dama Cleo Laine, është ndarë nga jeta në moshën 97-vjeçare. Lajmi i trishtë u bë i ditur nga fëmijët e saj, Jacqui dhe Alec Dankworth, të cilët konfirmuan se artistja u shua paqësisht, e rrethuar nga familja.
Me hidhërim të thellë njoftojmë ndarjen nga jeta të nënës sonë të dashur, Cleo
-thuhet në deklaratën e tyre.
Ajo solli kaq shumë muzikë dhe dritë në botë dhe jetët tona. Kërkojmë privatësi ndërsa e kujtojmë me dashuri dhe mirënjohje.
Me një karrierë që shtrihet në më shumë se tetë dekada, Dama Cleo Laine u bë një figurë kyçe e jazz-it në Britani dhe më gjerë, e vlerësuar për zërin e saj të veçantë, aftësinë e jashtëzakonshme për improvizim dhe interpretimet plot dramë. Vdekja e saj shënon fundin e një epoke për muzikën jazz.
