Sytë jeshilë janë një nga ngjyrat më të rralla natyrale të syve në botë, duke përbërë vetëm rreth 2% të popullsisë globale. Më të rrallë edhe se sytë blu, kjo ngjyrë e veçantë është rezultat i një kombinimi unik të pigmenteve dhe shpërndarjes së dritës në iris.
Ngjyra smerald që i karakterizon sytë jeshilë nuk vjen nga një pigment i veçantë, por nga një shtresë shumë e hollë e melaninës në iris.
Kjo shtresë shpërndan dritën në një mënyrë të tillë që krijon këtë efekt të gjelbër të pazakontë.
Sipas studiuesve të fushës së gjenetikës, të gjithë njerëzit dikur kishin sy kafe. Një mutacion i lashtë, që ndodhi mijëra vjet më parë, çoi në shfaqjen e ngjyrave më të çelëta si bluja.
Ndërsa jeshilja u formua nga ndërveprime më të ndërlikuara gjenetike, duke krijuar një spektër të rrallë dhe magjepsës.
Për shkak të rrallësisë së tyre, sytë jeshilë shpesh konsiderohen si një veçori e veçantë dhe magjepsëse – një kombinim i natyrës dhe gjenetikës që tërheq vëmendjen dhe kuriozitetin e të gjithëve.
