Kryeministri izraelit Benjamin Netanyahu ka theksuar se presidenti amerikan Donald Trump është miku më i madh që Izraeli ka pasur ndonjëherë në Shtëpinë e Bardhë, duke e quajtur atë një aleat të fuqishëm pas një takimi me Sekretarin e Shtetit të SHBA-së, Marco Rubio.
LEXO EDHE: “Po vijnë ditë të vështira për Europën”/ Macron thërret liderët evropianë në një takim urgjent!
Në një konferencë për shtyp, Netanyahu theksoi se biseda e tij me Trumpin dhe administratën amerikane ka qenë “produktive” duke përfshirë diskutime mbi situatën në Gaza.
Ai konfirmoi se Izraeli është i vendosur të vazhdojë luftën për të neutralizuar kapacitetin ushtarak të Hamasit dhe theksoi se do të bëjë gjithçka për të mbrojtur sigurinë e tij.
Netanyahu gjithashtu përmendi shqetësimet lidhur me Hezbollahun dhe Libanin, duke theksuar se është e rëndësishme që ushtria libaneze të veprojë për çarmatosjen e këtij grupi. Në lidhje me Sirinë, ai nënvizoi se Izraeli nuk do të lejojë që territori sirian të shndërrohet në një bazë për operacione armiqësore.
