Një raport i ri shkencor ka ngritur shqetësime serioze për të ardhmen e qytetit të New York-ut: metropoli i famshëm amerikan po fundoset gradualisht nën peshën e ndërtesave të tij gjigante.
Sipas studimeve të publikuara së fundmi, toka nën qytet po zhytet me një ritëm mesatar prej 1 deri në 2 milimetra në vit dhe në disa zona edhe më shumë. Ky fenomen, i njohur si zhytje tokësore (subsidence), ndikohet ndjeshëm nga pesha ekstreme e miliona tonëve beton, çelik dhe materiale ndërtimore të akumuluara nga rrokaqiejt dhe infrastrukturat masive të qytetit.
Shkencëtarët theksojnë se ky zhytje graduale, në kombinim me ngritjen e nivelit të detit për shkak të ndryshimeve klimatike, rrit rrezikun e përmbytjeve dhe katastrofave natyrore për qytetin bregdetar.
Qytete të mëdha si New York-u përballen me një sfidë të dyfishtë: zhvillimi i vrullshëm urban dhe ndikimet e krizës klimatike.
Ekspertët bëjnë thirrje për planifikim më të qëndrueshëm urban dhe masa të menjëhershme për të përballuar këtë kërcënim të heshtur, por të rrezikshëm.
Në një kohë kur New York-u vazhdon të rritet në lartësi, toka poshtë tij po e humbet qëndrueshmërinë një paralajmërim se zhvillimi duhet të ecë dorë për dore me kujdesin për mjedisin.
