Ndërsa i afrohemi lançimit të tij, po mësohen gjithnjë e më shumë detaje rreth Nothing Phone (3). Nothing kohët e fundit konfirmoi se Nothing Phone (3) i ardhshëm do të përdorë çipsetin Snapdragon 8s Gen 4. Bashkëthemeluesi i kompanisë, Akis Evangelidis, vlerësoi performancën e procesorit, duke përmendur një përmirësim prej 88% në shpejtësinë e GPU-së, një CPU 33% më të shpejtë dhe një rritje prej 125% në NPU krahasuar me Phone (2).
Tani, Evangelidis ka konfirmuar disa detaje rreth softuerit të telefonit. Ai vuri në dukje se çipi i ri do të lejojë një situatë më të mirë mbështetjeje softuerike në sistemin “5 & 7” në vend të sistemit “4 & 4”. Kjo do të thotë që Nothing Phone (3) do të marrë pesë vjet përditësime kryesore të sistemit operativ, si dhe shtatë vjet përditësime sigurie. Ky është një përmirësim i madh nga tre vitet e përditësimeve të Android dhe katër vitet e përditësimeve të sigurisë që kishte Nothing Phone (2). Sipas informacionit të disponueshëm, Nothing Phone (3) do të prezantohet gjatë korrikut.
Rikujtojmë se Samsung ka njoftuar datën zyrtare të lançimit të telefonit të ri Galaxy M36 në Indi, i cili do të prezantohet më 27 qershor në orën 12:00 të mesditës, kohë lokale. Telefoni do të shitet ekskluzivisht në Amazon në tre ngjyra; Orange Haze, Velvet Black dhe Serene Green. Galaxy M36 5G ka një ekran të mbrojtur me Gorilla Glass Victus+ dhe një sistem me tre kamera në pjesën e pasme; sensor kryesor 50 MP me stabilizim optik (OIS), kamerë ultra e gjerë 8 MP dhe kamerë makro 2 MP.
