Samsung ka njoftuar datën zyrtare të lançimit të telefonit të ri Galaxy M36 në Indi, i cili do të prezantohet më 27 qershor në orën 12:00 të mesditës, kohë lokale. Telefoni do të shitet ekskluzivisht në Amazon në tre ngjyra; Orange Haze, Velvet Black dhe Serene Green. Galaxy M36 5G ka një ekran të mbrojtur me Gorilla Glass Victus+ dhe një sistem me tre kamera në pjesën e pasme; sensor kryesor 50 MP me stabilizim optik (OIS), kamerë ultra e gjerë 8 MP dhe kamerë makro 2 MP.
Kamera e përparme selfie është 13 MP dhe ndodhet brenda një notch-i, ndryshim ky nga modeli i mëparshëm M35 që kishte kamerë në formë vrime.
Samsung thekson gjithashtu që telefoni ofron mbrojtje nga rëniet deri në 2 metra.
Nën kapak gjendet procesori Exynos 1380 i Samsung-ut, i shoqëruar me 6 GB RAM, ndërsa sistemi operativ është Android 15 me ndërfaqen One UI 7. Samsung ka konfirmuar se mbështetja për orët e saj inteligjente të bazuara në Tizen, do të përfundojë zyrtarisht në shtator 2025. Vendimi shënon fazën përfundimtare të një ndërprerjeje graduale që filloi vitin e kaluar dhe pasqyron ndryshimin strategjik të kompanisë drejt pajisjeve që përdorin Wear OS, në vend të sistemit të vet operativ Tizen. Nëse e mbani mend, gjiganti i Koresë së Jugut filloi të largohej nga Tizen në vitin 2021. Procesi i ndërprerjes filloi më 30 shtator 2024, kur Galaxy Store ndaloi së ofruari përmbajtje me pagesë për pajisjet Tizen.
Ndërkaq Apple po përgatitet të hyjë në tregun e telefonave të palosshëm dhe sipas informacioneve të fundit, kjo hyrje nuk do të jetë aspak e lirë. Konkretisht, iPhone i parë i palosshëm i Apple, i cili sipas informacionit të disponueshëm duhet të quhet iPhone 18 Fold, mund të kushtojë midis 2,100 dhe 2,300 dollarëve. Kjo do ta bënte atë të paktën 200 dollarë më të shtrenjtë se konkurrenti i tij i drejtpërdrejtë, Samsung Galaxy Z Fold 8, i cili, sipas çmimeve aktuale, duhet ta mbajë shumën rreth 1,899 dollarë.
