Funksioni i bidesë njihet prej më shumë se katër shekujsh. Bideja u shpik në Francë rreth viteve 1600 dhe u përhap shpejt në pjesën më të madhe të botës. Sipas burimeve historike, ai u prezantua nga Maria de’ Medici kur u bë mbretëreshë e Francës. Fillimisht përdorej menjëherë pas banjës dhe zakonisht mbahej në dhomën e gjumit.
Nobelët francezë e përdornin sidomos për t’u pastruar pasi kishin hipur mbi kalë. Madje thuhet se Maria Antonieta kishte një bide edhe në qelinë e saj, ndërsa priste ekzekutimin. Fjala “bidet” vjen nga keltishtja dhe do të thotë “pony”, për shkak të pozicionit që merr personi kur ulet mbi të. Në Itali, bideja u prezantua nga mbretëresha Maria Karolina e Habsburg-Lorena, e cila kërkoi një të tillë në pallatin mbretëror të Kazertës. Gradualisht ai u përhap në të gjithë vendin dhe Italia u bë shteti që e adoptoi më shumë se kushdo tjetër.
