Shërbimi Meteorologjik Ushtarak bën të ditur se sot vendi ynë ndikohet nga kushte atmosferike relativisht të qëndrueshme.
Moti vijon me kthjellime, si edhe me alternime vranësirash mesatare e hera-herës deri të dendura, me këto të fundit më të theksuara në relievet malore në lindje.
Nuk mungojnë reshjet shiu që bëhen prezente në orët e mesditës deri të pasdites, afatshkurtra dhe lokale e kryesisht në zonën e verilindjes, si edhe në qendër.
Më pas ka ndërprerje të shirave në të gjithë territorin.
Era fryn me drejtim jugperëndim-veriperëndim e me shpejtësi mesatare 4 m/s, ndërsa përgjatë vijës bregdetare dhe në lugina, era fiton shpejtësi deri në 8 m/s, shoqëruar me dallgëzim në dete të forcës 1-2 ballë.
Temperaturat luhaten në vlerat nga minus 1 në 21 gradë Celsius.
