Ndonjëherë realiteti rezervon kthesa që duken si skenar filmi. Këtë e përjetoi edhe aktorja Lily Collins, e cila ka rimarrë unazën e saj të fejesës tre vite pasi ajo u vodh gjatë një qëndrimi në hotel.
Aktorja ndau lajmin me ndjekësit në Instagram, duke publikuar disa fotografi ku shfaqet xhevahiri i rikthyer në gishtin e saj. “Jam pa fjalë”, shkroi ajo, duke treguar emocionin për rikthimin e një objekti me shumë vlerë sentimentale.
Ngjarja daton në maj të vitit 2023, kur Lily Collins po qëndronte në një hotel në Los Angeles. Gjatë asaj kohe, dikush arriti të hapte me forcë arkën e sigurisë ku aktorja kishte ruajtur disa sende personale.
Mes sendeve të vjedhura ishte edhe unaza e saj e fejesës, e zbukuruar me një diamant rozë dhe e punuar me porosi nga stilistja e bizhuterive Irene Neuwirth.
Vlera e saj ishte rreth 10 mijë dollarë, ndërsa bashkë me të u zhdukën edhe unaza e martesës dhe disa sende të tjera personale.
Rasti u raportua menjëherë në policinë e Los Angeles, ndërsa vlera totale e sendeve të vjedhura kalonte 10 mijë dollarë.
Unaza kishte një domethënie të veçantë për aktoren, pasi përfaqësonte momentin kur regjisori Charlie McDowell i propozoi në vitin 2020. Çifti u martua një vit më vonë, në 2021.
Në vitin 2025, familja e tyre u zgjerua me ardhjen në jetë të vajzës së tyre, Tove, e lindur përmes një nëne zëvendësuese.
Për Lily Collins, rikthimi i unazës ishte një moment i papritur dhe shumë emocional, një objekt i vogël, por i mbushur me kujtime dhe kuptim të veçantë.
