Jamie Foxx, aktori fitues i çmimit Oscar, është në një pikë kthese në jetën e tij. Pas një shqetësimi të madh shëndetësor në vitin 2023, ylli 57-vjeçar ka rivlerësuar prioritetet e tij, duke çuar në vendimin për të krijuar familje. Foxx, i njohur për stilin e jetës së tij si beqar, tani është i fokusuar në ndërtimin e një të ardhmeje më kuptimplote. Sprova e fundit shëndetësore e Foxx ishte një përvojë që ndryshoi jetën. Në prill 2023, aktori pësoi një goditje në tru, duke e lënë atë të shtruar në spital. Udhëtimi drejt rikuperimit ishte sfidues, duke kaluar një periudhë edhe në karrige me rrota.
“Sëmundja ishte si një thirrje zgjimi. Ai po e kupton se jeta është e shkurtër. Ai është gati të takojë dikë të veçantë, të martohet dhe të krijojë një familje”-tha burimi. Marrëdhëniet e kaluara të Foxx, duke përfshirë një romancë të profilit të lartë gjashtëvjeçar me Katie Holmes, kanë qenë shpesh nën qendër të vëmendjes. Lidhja e tyre përfundoi në vitin 2019, për shkak të stileve të ndryshme të jetesës.
Pavarësisht ndarjes, Foxx ka ruajtur fokusin e tij në rritjen personale, me një angazhim të ripërtërirë për të gjetur një partner që përputhet me vlerat e tij. “Jamie është gati të përqafojë një kapitull të ri. Ai është i vendosur ta bëjë këtë fazë tjetër të jetës së tij për dashurinë, familjen dhe lidhjet kuptimplota”-shtoi burimi. Foxx është rikthyer gjithashtu në skenë. Aktori ka ndarë në rrjetin e tij social Instagram disa foto nga shfaqja e tij “One More Chance: An Evening with Jamie Foxx”, i cili u zhvillua gjatë fundjavës në Atlanta. “Zoti është i madh…. Ndërsa postoj këto foto, zemra dhe shpirti im është i mbushur me asgjë tjetër përveç gëzimit të pastër…më 3-4-5 tetor pata mundësinë të tregoja anën time të historisë dhe nuk kishte vend më të mirë se Atlanta Georgia,”-shkroi ai në postimin e tij.
