Pikturat nuk janë vetëm zbukurim për murin, por edhe “spiranca energjetike” që ndikojnë në ndjesitë dhe emocionet që përjetojmë çdo ditë brenda shtëpisë. Sipas feng shui-t dhe psikologjisë së mjedisit, disa tema artistike ndihmojnë në krijimin e një atmosfere pozitive dhe harmonike.
Ekspertët sugjerojnë këto lloje pikturash për të përmirësuar energjinë në shtëpi:
Peizazhe natyrore dhe kopshtari
Pamje me pemë, lule, fusha me gjelbërim apo lindje dielli transmetojnë ndjesi të rritjes, rinisë dhe begatisë.
Ujë i qetë
Deti i kthjellët, liqenet apo lumenjtë e pastër simbolizojnë rrjedhën e lirë të energjisë dhe qetësinë e brendshme. Kujdes me skenat me ujëra të stuhishëm, të cilat mund të ndikojnë negativisht.
Abstraksione pozitive
Vepra me ngjyra të buta, linja që ngrihen lart dhe kombinime të ndritshme ngjyrash rrisin ndjenjën e gëzimit dhe energjisë së mirë.
Arti me mesazh të mirë
Piktura të krijuara me qëllim pozitiv dhe vetëdije artistike përçojnë më shumë harmoni dhe ndikim të dobishëm në ambient.
Zgjedhja e artit në shtëpi duhet bërë me kujdes, jo vetëm për estetikën, por për ndikimin emocional që ajo ka tek familjarët. Muret flasin – ndaj le të flasin me gjuhën e dritës, jo të trishtimit.
