Princesha Kate Middleton dhe këngëtarja britanike Jessie J patën një moment shumë emocional në Performancën Mbretërore të Variety në Royal Albert Hall, në Londër, mbrëmjen e 19 nëntorit. Dyshja u përqafuan ngrohtësisht pas një bisede për përvojat e tyre personale me kancerin.
Sipas The Independent, Jessie J shpjegoi më vonë se përqafimi erdhi si një reagim spontan, pasi të dyja ndajnë historinë e luftës me sëmundjen.
Mami, e cila kohët e fundit kaloi kancerin, doja vetëm ta përqafoja
-u shpreh ajo, duke iu referuar Princeshës Kate.
Në mars 2024, Princesha Kate bëri publike diagnozën e saj me kancer dhe faktin që i ishte nënshtruar kimioterapisë parandaluese, duke shokuar opinionin publik, por edhe duke marrë mbështetje të jashtëzakonshme nga e gjithë bota.
Ndërkohë, në qershor të po atij viti, Jessie J njoftoi se ishte diagnostikuar me kancer gjiri dhe se i ishte nënshtruar një mastektomie. Ajo vendosi ta ndajë hapur historinë e saj me ndjekësit në rrjetet sociale, duke folur sinqerisht për sfidat fizike dhe emocionale.
Mbrëmja në Royal Albert Hall ishte veçanërisht e rëndësishme edhe për Kate dhe Princin William, pasi shënoi paraqitjen e tyre të parë në tapetin e kuq pas dy vitesh.
E kuptojmë që nuk është e lehtë të kalosh nëpër këtë, veçanërisht në publik
-shtoi Jessie J, duke theksuar presionin shtesë që sjell ekspozimi mediatik.
Këngëtarja ka folur së fundmi edhe për ndryshimet në trupin e saj pas mastektomisë, duke treguar në një video se flokët i kanë filluar t’i bien pas operacionit dhe trajtimeve, një realitet me të cilin përballen shumë gra në trajtim kundër kancerit.
Momenti i përqafimit mes Jessie J dhe Princeshës Kate u pa nga shumë si një simbol solidariteti, guximi dhe ndjeshmërie mes dy grave të njohura që kanë zgjedhur të flasin hapur për një nga betejat më të vështira të jetës.
