Po rriten tensionet në prag të Çmimit Earthshot 2025, eventi prestigjioz i gjelbër i krijuar nga Princi William. Polemika nuk ka të bëjë me thashetheme mbretërore, por… për një peshk. Një peshk gjigant amazonian ka shkaktuar një “incident diplomatik” të vogël midis mbretit të ardhshëm të Anglisë dhe shefit të kuzhinës Saulo Jennings, i cili ka vendosur të japë dorëheqjen si shef kuzhine i ceremonisë.
E gjitha kjo buroi nga një kërkesë specifike nga ekipi mbretëror: një menu 100% vegane për darkën gala që do të mbahet më 5 nëntor në Rio de Janeiro të Brazilit. Kjo zgjedhje është në përputhje të plotë me misionin e Çmimit Earthshot, i cili financon projekte për mbrojtjen e mjedisit dhe qëndrueshmërinë. Por vendimi për të eliminuar të gjithë përbërësit me origjinë shtazore nuk u prit mirë nga shefi i kuzhinës amazoniane, i njohur për kuzhinën e tij autentike, me origjinë lokale.
Mosmarrëveshja midis Princit William dhe shefit të kuzhinës
Saulo Jennings, i cili më parë ka gatuar për Ambasadën Britanike gjatë kurorëzimit të Mbretit Charles III, kërkonte të përfshinte në menu pirarucu-n, një peshk simbolik i lumit Amazonë. Problemi? Princi nuk donte “asnjë proteinë shtazore” në tryezë. Për shefin e kuzhinës, heqja dorë do të thonte shtrembërim i plotë i filozofisë së tij të kuzhinës.
Shefi i kuzhinës u largua duke përplasur derën
Jennings u përpoq edhe të ndërmjetësonte: duke shtuar një opsion vegan përkrah gatimeve të tij tradicionale, por propozimi u refuzua. Kështu, plotësisht në përputhje me parimet e tij, shefi i kuzhinës vendosi të tërhiqej e ta refuzonte detyrën, duke e quajtur “mungesë respekti për kuzhinën lokale dhe traditën e kuzhinës”. Për ta bërë mesazhin edhe më të qartë, shtoi:
Eshtë si t’i kërkosh Iron Maiden-it të luajë xhaz.
Pallati i Buckinghamit u përpoq t’i qetësojë ujërat
Burime zyrtare sigurojnë se ndryshimi i shefit të kuzhinës për darkën e Çmimit Earthshot nuk ka të bëjë fare me “çështjen pirarucu” dhe se Princi William, në fakt, nuk kishte asnjë rol të drejtpërdrejtë në vendimet për menunë. Por nga Brazili, po vijnë thashetheme shumë të ndryshme: duket se debati midis ekipit mbretëror dhe Jennings ka krijuar vërtet një trazirë diplomatike mes Londrës e Rios.
