Sipas saj, nuk po kërkohet që të gjitha marrëdhëniet seksuale të Diddy-t me ish-partneret Cassie Ventura dhe personin e njohur si “Jane” të konsiderohen trafikim seksual.
Ajo theksoi se nëse vetëm një nga këto marrëdhënie përmbush kriteret e përdorimit të dhunës ose manipulimit, kjo mjafton për një vendim fajësie.
Në lidhje me rastin e “Jane”-it, prokurorja përmendi tre episode kyçe:
1. Shtator 2023 – Diddy i premtoi “Jane”-it një fundjavë romantike në New York, por në vend të kësaj, ajo u përfshi pa dijeni në marrëdhënie seksuale me eskorta të ftuara nga ai.
2. Tetor 2023 – “Jane” i dërgoi një mesazh Diddy-t ku shprehej se nuk donte më marrëdhënie të tilla, duke thënë:
Nuk jam një kafshë, nuk jam aktore porno.
Megjithatë, disa ditë më vonë, ajo u përfshi sërish në marrëdhënie seksuale me dy eskorta dhe u detyrua të kishte edhe me një të tretë.
3. Qershor 2024 – Pas një sherri të dhunshëm në rezidencën e Diddy-t në Los Anxhelos, ai e kërcënoi “Jane”-in se do t’i ndalonte pagesën e qirasë, nëse ajo nuk pranonte të kishte marrëdhënie me një tjetër eskortë, të cilin ai e kontaktoi përmes telefonit të saj.
Prokurorja Slavik theksoi se këto episode janë dëshmi të qarta të përfshirjes së Diddy-t në trafik seksual përmes kontrollit psikologjik, presionit financiar dhe kërcënimit.
Procesi gjyqësor ndaj artistit vazhdon të marrë vëmendje të madhe publike dhe mediatike.
