Presidenti rus Vladimir Putin i dërgoi urimet më e tij Donald Trump disa orë përpara inaugurimit të tij në Uashington si presidenti i 47- të i Shteteve të Bashkuara.
“Ne e përgëzojmë Donald Trump për hyrjen në zyrë… Moska është e hapur për dialog me Shtetet e Bashkuara që do të ndërtohet mbi baza të barabarta dhe reciprokisht të respektueshme”, tha Putin gjatë takimit të Këshillit të Sigurisë dhe Mbrojtjes së Rusisë të hënën.
“Qeveria ruse do të vazhdojë të luftojë për interesat e popullit të saj. Ky ishte qëllimi kryesor i operacionit special ushtarak”, shtoi Putin në lidhje me luftën e tij të vazhdueshme kundër Ukrainës fqinje, të cilën Trump ka thënë vazhdimisht se do ta përfundojë shpejt.
Presidenti në largim i SHBA Joe Biden dhe gruaja e tij Jill mirëpritën Donald Trump dhe Melania Trump në Shtëpinë e Bardhë.
Ata do të ulen në një takim të shkurtër, përpara se të nisen për në Kapitol.
Donald Trump do të betohet sot si presidenti i 47-të i Shteteve të Bashkuara. Inaugurimi do të bëhet në ambiente të mbyllura për shkak të temperaturave të ftohta të parashikuara në kryeqytetin e vendit. Kjo ka të ngjarë të jetë dita më e ftohtë e inaugurimit që nga viti 1985.
Trump pritet të betohet në Capitol Rotunda nga shefi i drejtësisë John Roberts.
