Turqia po forcon mbrojtjen e saj ajrore pas lëshimit të dy raketave nga Irani.
Si pjesë e masave përkatëse të NATO-s, një sistem mbrojtës raketor “Patriot” po përgatitet për dislokim në provincën lindore turke të Malatya-s, njoftoi sot Ministria e Mbrojtjes në Ankara. Kjo do të forcojë mbrojtjen e hapësirës ajrore.
Turqia, anëtare e NATO-s, dje interceptoi një raketë të lëshuar nga Irani, për herë të dytë brenda një jave, në territorin turk.
U raportua se disa mbetje ranë në tokë të hapur në Gaziantepin jugor, pranë kufirit me Sirinë.
Javën e kaluar, një sistem mbrojtës i NATO-s në rajonin kufitar turk me Iranin kapi një raketë balistike, mbetjet e së cilës ranë në tokë të hapur në provincën Hatay. Në të dyja rastet, nuk pati të lënduar.
Nuk është e qartë se cilat ishin objektivat e raketave. Në Turqi, ushtarët amerikanë janë të stacionuar në bazën e NATO-s Incirlik në juglindje të vendit, ndër të tjera.
Në një bisedë telefonike me presidentin turk, Recep Tayyip Erdogan, presidenti iranian Masoud Pezeshkian hodhi poshtë pretendimet se raketat e interceptuara ishin me origjinë iraniane, bëri të ditur Ankaraja zyrtare.
Qeveria iraniane tha në një deklaratë se incidenti do të hetohet.
