Kryeministri Edi Rama ka zhvilluar një bisedë telefonike me presidentin e Ukrainës, Volodymyr Zelensky.
Në një postim në rrjetin social X, Zelensky ka zbardhur detaje nga biseda teksa falenderoi qeverinë dhe popullin shqiptar për mbështetjen e dhënë ndaj Ukrainës.
“Ne diskutuam shumë tema të spikatura – projekte të përbashkëta dhe perspektiva më të gjera”, shkruan presidenti ukrainas.
Ai theksoi se u diskutua për iniciativat diplomatike evropiane, duke shtuar se është thelbësore që Evropa të jetë në tryezën e bisedimeve.
“Një vizion i përbashkët dhe hapa të koordinuar janë thelbësore për arritjen e një paqeje të drejtë dhe të qëndrueshme”, shkroi Zelensky.
Postimi i plotë në X:
Kam pasur një bisedë të mirë me Kryeministrin e Shqipërisë, Edi Rama dhe falënderoj qeverinë dhe popullin shqiptar për mbështetjen e dhënë ndaj Ukrainës dhe popullit tonë.
Ne diskutuam shumë tema të spikatura – projekte të përbashkëta dhe perspektiva më të gjera.
Biseduam edhe për iniciativat diplomatike evropiane. Është thelbësore që Evropa të jetë në tryezën e bisedimeve.
Një vizion i përbashkët dhe hapa të koordinuar janë thelbësore për arritjen e një paqeje të drejtë dhe të qëndrueshme. Ne po punojmë së bashku për të forcuar sigurinë në të gjithë Evropën.
Faleminderit për mbështetjen tuaj.
