Pas rolit të saj që rrëmbeu vëmendjen në filmin “Saltburn” dhe rikthimit të afërt në serialin televiziv “The Wheel of Time” – pa harruar edhe një shfaqje teatrale në Londër këtë verë – ROSAMUND PIKE ka disa projekte emocionuese në horizont dhe një vit jashtëzakonisht të ngarkuar përpara. Në këtë artikull, aktorja britanike flet për të qenit romantike, për mënyrën se si lufton gjykimin ndaj vetes dhe fuqinë e rrëfimit të historive.
Ka diçka çarmatosëse te njerëzit e famshëm kur bëjnë gjëra të zakonshme. Ende pa u bërë ora 10 e mëngjesit dhe Rosamund Pike është ulur përballë meje në një cep të hotelit The Langham në Londër, sapo ka ardhur nga një mëngjes plot detyra të shumta. “Kam përshtypjen se kam bërë shumë gjëra tashmë,” thotë ajo. “Erdha në qendër të Londrës nga shtëpia, çova dy fëmijët në shkollë, një marangoz erdhi të rregullonte disa probleme në shtëpi, u mora me parkimin… oh Zot, shyqyr që e thashë këtë!”
Ajo kërkon ndjesë për ndërprerjen, ndërsa bën një telefonatë të shpejtë dhe shkruan të dhënat në një aplikacion për parkimin, për të shmangur një gjobë. Sigurisht që nuk është ndonjë lajm i madh që aktorët e Hollywood-it janë njerëz të zakonshëm me detyra administrative të përditshme si ne të gjithë, por është lehtë ta harrosh këtë kur je në praninë e hijeshisë së Pike – një hijeshi që e bën të duket pothuajse e mbinatyrshme, si personazhi i saj magjistare, Moiraine, në serialin “The Wheel of Time” nga Amazon Prime. “Këto gjëra që bëjmë si gra, janë një listë pa fund,” mendon ajo me zë, ndërsa vazhdon të shkruajë në telefon, duke organizuar marangozin. “Problemet me shtëpitë e vjetra. Më pëlqen të zbuloj çfarë fshihet pas shtresave – dhe ndonjëherë zbulon gjëra të bukura, e ndonjëherë gjen një rrëmujë të vërtetë.”
Po ashtu e papritur është edhe interesimi i sinqertë që tregon Pike, duke pyetur për mëngjesin tim, për jetën time, mendimet e mia mbi ndërprerësit hormonalë dhe si mund ta bëjmë jetën tonë më “pak të zgjuar” (më të thjeshtë). Të dyja biem dakord që, këtë mëngjes, “pak më pak e zgjuar” mund të kishte përfunduar me një gjobë parkimi.
“Kam një dëshirë të madhe për pak kohë të qetë, por kureshtja më tërheq në më shumë projekte sesa mund të përballoj.”
Në botën e Rosamund Pike po ndodhin shumë gjëra – shumë më tepër sesa një listë detyrash e së mërkurës. “The Wheel of Time”adaptimi televiziv i serisë së famshme fantastike nga Robert Jordan, rikthehet këtë muaj me sezonin e tretë; ajo sapo ka përfunduar xhirimet e një komedie romantike të pazakontë, “Ladies First”; së shpejti do të nisë xhirimet për një projekt të ri me Guy Ritchie, “Wife and Dog” dhe në korrik do të bëjë debutimin e saj në skenën e Teatrit Kombëtar me Inter Alia – një shfaqje e re emocionuese nga Suzie Miller (autore e “Prima Facie”).
“Kam shumë dëshirë për pak kohë të lirë tani. Por jam rritur me prindër muzikantë dhe kushdo që është i vetëpunësuar e di këtë: të kesh punë është një bekim i madh; dhe nuk kalon asnjë ditë pa e vlerësuar këtë. Kureshtja më tërheq në më shumë projekte sesa mund të përballoj.” Unë pohoj me kokë duke e ndjerë veten shumë pranë këtij mendimi dhe e pyes nëse e sheh veten si një person që gjithmonë thotë “po”.
“Nëse ndjej se diçka ka nevojë për mua, atëherë unë jam aty,” shpjegon Pike, e cila jo vetëm luan në “The Wheel of Time”, por është edhe narratorja e audiolibrave të serisë. “Kur ma ofruan për herë të parë këtë projekt në sezonin e parë, thashë jo. Por kur iu ofrua pjesës tjetër të kastit – të gjithë thanë jo – dhe po afronte premiera e sezonit të parë, mendova: ‘M**t, kanë nevojë që unë ta bëj këtë’. Por nuk është aspak e lehtë të bësh 144 zëra të ndryshëm dhe të përcjellësh gjithë këtë botë të gjerë.”
Deri tani, ajo ka përfunduar katër nga audiolibrat – një arritje vërtet mbresëlënëse për një projekt të realizuar solo… megjithatë ka pasur ndihmë. “I bëj bashkë me mamanë time,” tregon ajo. “Ajo ka qenë këngëtare; dhe më pas, në të shtatëdhjetat, i shndërroi ato aftësi në mënyrë të shkëlqyer për të prodhuar audiolibra – sepse është e njëjta gjë: të dish të dëgjosh me kujdes, të ndjesh ritmin, kuptimin e fjalëve, muzikalitetin, intonacionin, mënyrën si përcillet një histori, ritmi i saj. Dhe e kalojmë kohën së bashku në një mënyrë shumë krijuese dhe të plotësuar.”
“Jam shumë romantike. Entuziazmohem shpejt, dhe më pëlqen të qesh, por bind më shumë në rolet dramatike dhe serioze. Njerëzit nuk e shohin shpesh atë anën time vajzërore.”
“The Wheel of Time” është një projekt unik në zhanrin fantastik, duke krijuar një botë ku vetëm gratë kanë akses në magji – sepse, historikisht, burrat e kanë keqpërdorur këtë fuqi. Pike fillimisht u tërhoq nga ky zhanër sepse “fantazia ishte një arratisje; dhe unë kisha nevojë për një arratisje”. Personazhi i Moiraine është shumë ndryshe nga rolet që ajo ka luajtur zakonisht. “Kam interpretuar shumë personazhe të vërtetë; dhe kjo mund të jetë traumatike – të hysh thellë në shpirtin e dikujt tjetër, të përpiqesh ta portretizosh me ndershmëri dhe të jetosh jetën e tyre më shumë se tënden.”
“Fuqia që ata përjetojnë mund të jetë e vështirë për t’u mbajtur dhe, për ta bërë punën siç duhet, duhet të hysh plotësisht në rol. Imagjinata jonë është aq e fuqishme, saqë mund të ndikojë në kimikën tonë trupore dhe në realitetin tonë. Kur i kërkon trupit të ndjejë frikë, ai nuk e di që nuk është në rrezik të vërtetë dhe për këtë arsye, të mbush me kortizol dhe adrenalinë. E mashtron trupin të besojë se trauma është reale dhe, pas kësaj, ndjen pasoja dhe nuk e di çfarë do të jenë ato derisa të jesh aty,” reflekton ajo.
Megjithatë, edhe pse e vlerëson arratisjen që i ofron bota e fantazisë, sot ajo ndjen nevojën “të largohet nga ‘kazanët magjikë’, për ta thënë ashtu. Kam nevojë të rikthehem në realitet.”
Një realitet alternativ është ndalesa e radhës për Pike, e cila do të shfaqet në komedinë romantike të Netflix-it “Ladies First”, ku përballet me një tjetër ish të nominuar për Oscar, Sacha Baron Cohen, në një botë paralele ku gratë mbajnë gjithë pushtetin (duket se kjo është një temë e përbashkët në projektet e fundit të Pike). Ajo e ndjen entuziazmin tim për këtë dhe më pyet: “Cilat janë komeditë romantike që të pëlqejnë më shumë?” I përgjigjem: gjithçka me Julia Roberts. “Oh Zot, ajo është më e mira,” thotë ajo me një buzëqeshje të madhe. “E dua shumë Julia Roberts. Ajo po xhiron aktualisht në Londër, dublantja ime, Kaia, është larguar një ditë më herët sepse do të jetë dublante e Julias!”
Duke pasur parasysh filmat e saj të mbushur me humor të errët dhe trillerë psikologjikë nga adaptimi tensionues i “Gone Girl” nga Gillian Flynn dhe krimi misterioz “I Care a Lot”, te komedia e zezë elektrizuese “Saltburn” nga Emerald Fennell dhe puna si producente në serialin e suksesshëm të Netflix-it “3 Body Problem “ ishte një lehtësim të përfshihej në një zhanër më të lehtë?
“Kam pasur shumë dëshirë të bëj një [komedi romantike], sepse jam shumë romantike. Entuziazmohem lehtë, dhe e dua të qeshurën – por bind më shumë në rolet dramatike dhe serioze. Njerëzit nuk e shohin shpesh atë anën time vajzërore,” ndan ajo. “Por “Ladies First” është ndryshe. Nuk është një komedi romantike klasike, sepse ka disa ide mjaft radikale. Është provokuese dhe plot humor – dhe romanca është krejtësisht e papritur.”
“Nuk kam DALË në skenë prej 14 VITESH – dhe kjo është diçka E MADHE për mua.”
Projekti i radhës i Pike është debutimi i saj në skenën e Teatrit Kombëtar të Londrës këtë verë. Pas një periudhe shumë të suksesshme dhe fituese të çmimeve me shfaqjen prekëse “Prima Facie”, ku luante Jodie Comer, dramaturgja Suzie Miller rikthehet me Inter Alia. Pike do të luajë një gjyqtare të shquar në Gjykatën e Kurorës, e cila në punë “po ndryshon dhe sfidon sistemin një rast në një kohë,” ndërkohë që duhet të menaxhojë gjithashtu kërkesat e prindërimit dhe jetës familjare.
“Nuk kam qenë në skenë për 14 VITE – dhe kjo është një çështje shumë e madhe për mua,” pranon Pike. Është e rëndësishme për të që të realizojë këtë rol me ndershmëri, sidomos për shkak të paralelave që ajo tërheq me jetën e saj personale. “Është për t’u bërë nënë e një djali, dhe unë kam dy. Vetë-gjykimi që kemi si nëna, ndjenja e mos të qenit e mjaftueshme, është diçka që unë e njoh shumë mirë. Pastaj ata rriten dhe e kuptojnë që ti ndihesh e ndarë dhe mund ta përdorin këtë kundër teje: ‘Pse gjithmonë po punon?’ Është një bisedë e përdorur gjerësisht mes grave: si mund ta bësh gjithçka? Dhe më konkretisht, si mund ta bësh atë mirë?”
Ka një sasi të madhe dedikimi për të menaxhuar të gjitha aspektet e jetës së ngarkuar të Pike. Dedikimi për zanatin e saj, për ndjekjen e artit, për të luajtur rolin me integritet, për kauzat e saj – ajo është ambasadore afatgjatë për Mines Advisory Group (MAG) dhe së fundmi bëri një udhëtim për të vizituar gratë në Kamboxhi dhe Liban – dhe për të qenë e pranishme për familjen e saj dhe në jetën e saj familjare gjithashtu.
Në këtë kuadër, ajo më tregon me kënaqësi për organizimin e një karaokeje improvizuese me temë Bob Dylan në sallonin e saj me kolegët nga “The Wheel of Time”, pas një mbrëmjeje të shikuarit të filmit “A Complete Unknown”. Ajo e do të kalojë ditët e saj të pushimit në Hampstead Heath në veri të Londrës dhe ka një vlerësim të thellë për sa e çmuar është koha me ata që do.
Ajo tregon se ka kaluar natën e kaluar me babanë e saj muzikant, i cili tani është i prekur nga Parkinson, duke luajtur piano bashkë – ajo me dorën e majtë dhe ai me të djathtën.
Ne përgatitemi për të mbyllur intervistën, dhe unë reflektoj se duket se është delikatesa dhe sinqeriteti që Pike i sjell çdo roli, qoftë kur luan një person të vërtetë apo një shtrigë komandante. Dhe ndërsa merr pallton dhe çantën e saj, me një lamtumirë të nxituar, por të ngrohtë (dhe një premtim për të vazhduar me një rekomandim podcast-i), është e dukshme që fuqia më e madhe e Pike është që ajo është me të vërtetë shumë njerëzore.
“The Wheel of Time” sezoni 3 është në Prime Video që prej datës 13 mars, biletat për Inter Alia janë në dispozicion tani.
