Këngëtari amerikan Joe Jonas duket se i ka dhënë fund çdo dyshimi për jetën e tij sentimentale. Fundjavën e kaluar, ai u filmua në aeroportin e Miami duke shkëmbyer një puthje me partneren e tij, modelen Tatiana Gabriele, një moment që vulos zyrtarisht lidhjen e tyre pas muajsh spekulimesh.
Dyshja ishte parë për herë të parë bashkë në shtator në Los Angeles, ndërsa më pas u shfaqën edhe në New York gjatë vjeshtës, duke nxitur gjithnjë e më shumë thashetheme për një romancë të re.
Në janar, vetë Jonas e konfirmoi për People se ishte në një lidhje, por pa dhënë shumë detaje.
Burime pranë çiftit tregojnë se ata shkojnë shumë mirë me njëri-tjetrin dhe po e shijojnë në maksimum këtë kapitull të ri.
Sa i përket Tatiana Gabriele, ajo është një modele dhe influencuese në rritje, me mbi 60 mijë ndjekës në Instagram.
Karrierën në modeling e nisi pasi përfundoi studimet për film dhe ka bashkëpunuar me marka të njohura si Diane von Furstenberg dhe For Love & Lemons.
E lindur në Puerto Rico dhe aktualisht rezidente në New York, ajo ka qenë gjithashtu pjesë e videoklipit “Baile Inolvidable” të Bad Bunny.
Duket se këtë herë, Joe Jonas nuk ka ndërmend të fshihet më, dhe fansat janë më kuriozë se kurrë për këtë histori të re dashurie.
