Kate Middleton njihet për stilin e saj të rafinuar, elegant dhe gjithmonë të menduar deri në detaj. Çdo paraqitje publike e Princeshës së Uellsit analizohet me lupë nga fansat e modës, por pas vitesh vëzhgimi, ndjekësit kanë vënë re një detaj interesant: ka një ngjyrë që pothuajse nuk shfaqet kurrë në garderobën e saj.
Në fustanet, palltot apo kostumet zyrtare të Kate mungon thuajse plotësisht një tonalitet i caktuar.
Nuk bëhet fjalë për ndonjë ndalim nga protokolli mbretëror, përkundrazi, Mbretëresha Elisabeta II ishte një adhuruese e madhe e kësaj ngjyre, por për një zgjedhje tërësisht personale të princeshës.
Ngjyra që Kate Middleton shmang është portokallia.
Edhe pse është një tonalitet i fortë dhe plot energji, portokallia nuk është pjesë e stilit të saj të zakonshëm. Burime pranë modës mbretërore sugjerojnë se arsyeja lidhet me njohuritë e Kate për harmoninë e ngjyrave dhe mënyrën se si ato ndikojnë në pamjen e përgjithshme.
Princesha është e vetëdijshme për efektin që ngjyrat kanë mbi tonin e lëkurës, ngjyrën e syve dhe flokët e saj. Portokallia, si një nuancë komplekse dhe e vështirë për t’u balancuar, nuk i jep asaj efektin ndriçues dhe elegant që Kate kërkon në paraqitjet publike.
Ndaj, ndërsa ajo vazhdon të dominojë me blu, të gjelbër, të kuqe apo pastel, një gjë është e sigurt: portokallia mbetet ngjyra që Princesha e Uellsit zgjedh ta lërë jashtë garderobës së saj.
