Nora Istrefi ka thyer heshtjen për raportin me ish-bashkëshortin Robert Berisha, duke reaguar për herë të parë ndaj spekulimeve për një afrim mes tyre.
Në një emision, së fundmi, këngëtarja foli jo vetëm për projektin e saj të ri “EP IV”, por edhe për jetën personale që ka qenë në qendër të vëmendjes kohët e fundit.
Pas lajmeve për një darkë të përbashkët në Zvicër dhe deklaratave të Robertit që lanë të hapura mundësitë për një rikthim, Nora reagoi fillimisht me humor: “A fillut ju?”, duke shmangur në fillim përgjigjen direkte.
Megjithatë, ajo dha një mesazh të qartë kur u pyet për shanset e dyta në dashuri:
Unë mendoj që çdo njeri e meriton një shans të dytë, në momentin e duhur, por jo të tretë ndoshta.
E pyetur më tej për marrëdhënien aktuale me ish-partnerin, ajo la të kuptohet se raporti mes tyre është i qetë dhe korrekt, duke zbuluar se kanë kaluar kohë bashkë edhe pas ndarjes.
Ndërkohë, Nora Istrefi vazhdon të jetë aktive në muzikë me projektin e saj më të ri “EP IV”, i cili po pritet me interes nga fansat, duke treguar se karriera mbetet në fokus pavarësisht zhurmës rreth jetës personale.
