E njohur si “kërcyesi i shkëmbinjve”, antilopa e vogël e shkëmbinjve (klipspringer) kërcen lehtë mbi shkëmbinjtë e pjerrët dhe të mprehtë, sikur të ecte mbi bar të butë. E lehtë si një dhi mali, kjo antilopë shihet shpesh në majat e maleve të Afrikës Lindore dhe Jugore. Nëse hasni një klipspringer, mund të jeni të sigurt se partneri i saj do të jetë gjithmonë afër. Kjo antilopë e vogël ushqehet kryesisht me fruta, lule dhe bimë të freskëta. Trupi i saj i fuqishëm i lejon të ngjitet me shkathtësi në terrene të pjerrëta, ndërsa gëzofi i trashë dhe i ashpër mbron trupin duke zbutur goditjet dhe duke e izoluar nga i ftohti.
Në të kaluarën, gëzofi i kësaj antilope ishte shumë i kërkuar për prodhimin e çantave dhe shalëve, gjë që shkaktoi pakësim të popullatës, sidomos në Afrikën e Jugut. Brirët cilindrikë dhe të kthyer poshtë të antilopës Klipspringer i mundësojnë ecjen në majë të gishtave dhe shkathtësi të jashtëzakonshme mbi shkëmbinj. Antilopat Klipspringer janë besnikë për jetë ndaj një partneri, me të cilin jetojnë në një territor të vogël. Kur njëri prej tyre inspekton zonën, tjetri ruan. Nëse ndonjëri vëren rrezik, lëshon një fishkëllimë shpuese, të cilës i përgjigjet partneri dhe më pas të dy largohen së bashku.
Armiqtë kryesorë natyrorë të antilopës Klipspringer janë predatorët që i ndjekin në shpate shkëmbore; leopardi dhe karakali, si dhe shqiponja e zezë që i sulmon nga ajri. Në Afrikën Jugore, vetëm meshkujt e antilopës Klipspringer kanë brirë, ndërsa në pjesë të Afrikës Lindore, brirët gjenden te të dy gjinitë. Ndërkaq, ju shuajmë një kuriozitet. Më 6 qershor 2025, Italia u bë vendi i parë në Europë që lejon zyrtarisht përdorimin e ilaçit Remdesivir për trajtimin e Peritonitit Infektiv Felin (FIP), një sëmundje vdekjeprurëse që prek macet.
Vendimi vjen pas një fushate të fuqishme dhe një peticioni me mbi 40 mijë firma, dhe u përshëndet nga organizatat për mbrojtjen e kafshëve. Deri tani, ilaçi përdorej ilegalisht nga pronarët në përpjekje për të shpëtuar macet e tyre. Tashmë, veterinerët në Itali mund ta përshkruajnë legalisht Remdesivir përmes recetës elektronike, duke siguruar trajtim të sigurt dhe të mbikëqyrur. Ky është një hap i madh për mirëqenien e kafshëve dhe një precedent që pritet të ndiqet nga vende të tjera të BE-së. Një vendim që kthen shpresën atje ku dikur sundonte pashpresa.
