Një studim i ri ka zbuluar se individët që qëndrojnë zgjuar deri vonë, të njohur si bufa të natës (night owl), kanë një rrezik më të lartë për të zhvilluar depresion në krahasim me ata që flenë më herët.
Studiuesit analizuan të dhënat e mbi 500 studentëve universitarë, duke shqyrtuar zakonet e tyre të gjumit, nivelin e ndërgjegjësimit, konsumimin e alkoolit dhe shëndetin mendor.
Rezultatet treguan se “nataxhinjtë” kishin cilësi më të dobët të gjumit, konsum më të lartë alkooli dhe nivele më të ulëta të ndërgjegjësimit, të gjithë faktorë që kontribuonin në rritjen e rrezikut për depresion.
Megjithatë, studimi nuk mundi të përcaktojë nëse zakonet e gjumit shkaktojnë drejtpërdrejt depresionin, për shkak të natyrës së tij kryqëzuese.
Gjetjet sugjerojnë se ndërhyrjet që përmirësojnë cilësinë e gjumit, rrisin ndërgjegjësimin dhe reduktojnë konsumimin e alkoolit mund të ndihmojnë në uljen e rrezikut të depresionit te të rinjtë.
Duke marrë parasysh rritjen e sfidave të shëndetit mendor tek studentët, këto të dhëna mund të kontribuojnë në zhvillimin e strategjive më të efektshme për përmirësimin e mirëqenies së tyre.
