Snapchat, një nga aplikacionet më të njohura të mediave sociale mes adoleshentëve australianë, ka angazhuar softuerin e një kompanie me bazë në Singapor të quajtur k-ID për të mbajtur fëmijët jashtë platformës së tij. Kompania ofron kontrollin e moshës për shërbime digjitale si lojërat dhe platformat e mediave sociale. Në Snapchat, përdoruesit do të shohin një paralajmërim për të provuar moshën e tyre, përmes disa metodave, duke përfshirë marrjen e një selfie-je që softueri të vlerësojë moshën.
Por disa përdorues thonë se kanë gjetur mënyra për të shmangur këto kontrolle të aplikacionit, si për shembull duke përdorur imazhe të personave më të vjetër. Drejtori i çështjeve korporative të kompanisë, Luc Delaney, i thotë BBC-së se verifikimi është një “luftë e vazhdueshme” për firmat në këtë biznes. Ai thotë se softueri i k-ID do të përmirësohet vazhdimisht me kalimin e kohës, ndërsa dalin shembuj të rinj të mënyrave se si njerëzit përpiqen të shmangin sistemin. “Por ne nuk i këshillojmë njerëzit të përpiqen të kapërcejnë këto mjete, pasi mund të ndalohen nga platforma”, tha Delaney.
Snapchat tani mund të njoftojë miqtë e një përdoruesi nëse ata kanë mbërritur në shtëpi shëndoshë e mirë pas një daljeje, pa pasur nevojë që përdoruesi të dërgojë një mesazh. Snapchat ka lançuar një funksion të ri Home Safe, i cili dërgon njoftime te kontaktet e zgjedhura. Këto njoftime mund t’u dërgohen personave me të cilët përdoruesi tashmë e ndan vendndodhjen dhe duke marrë parasysh faktin se ky opsion është i çaktivizuar si parazgjedhje, është e nevojshme ta aktivizoni atë në Snap Maps për të gjithë miqtë ose vetëm për disa prej tyre.
