Disa tipare fizike si ngjyra e flokëve, karakteristikat e lëkurës dhe venat varikoze anë të lidhura me kromozomin X dhe trashëgohen nga nëna. Besoj se e keni dëgjuar shprehjen “Është i gjatë si babai i tij”. Mesa duket kjo është e vërtetë dhe është e vërtetuar shkencërisht. Gjatësia e një personi përcaktohet nga 700 variacione gjenetike të trashëguara nga të dy prindërit. Gjeni i gjatësisë së secilit prind duket se funksionon në një mënyrë paksa të ndryshme te secili person. Megjithatë, gjenet e babait janë më të rëndësishme në stimulimin e procesit të rritjes.
Një studim i fundit sugjeron se fëmijët mund të trashëgojnë më shumë tiparet fizike “tërheqëse” nga babai sesa nga nëna. Studiuesit analizuan çifte prind–fëmijë dhe gjetën një lidhje më të fortë mes pamjes së babait dhe tipareve si simetria e fytyrës, nofulla, mollëzat dhe distanca mes syve.
Ndërsa nënat shpesh transmetojnë tipare më të buta, gjenet paterne duket se kanë ndikim më të madh në karakteristikat që lidhen me bukurinë konvencionale. Ekspertët sugjerojnë se kjo mund të lidhet me gjenet dominante ose me modele evolucionare. Ndërkaq, një hulumtim i fundit nga Universiteti i Cambridge zbulon se fëmijët kanë më shumë gjasa të trashëgojnë inteligjencën nga nëna e tyre, për shkak të kromozomit X. Ky zbulim revolucionar tregon se inteligjenca trashëgohet kryesisht përmes linjës materne.
Kromozomi X mban gjenet që lidhen me inteligjencën; pasi gratë kanë dy kromozome X dhe burrat vetëm një, nëna ka dyfish mundësi të transmetojë këto tipare te fëmijët e saj. Për më tepër, këto gjene materne aktivizohen në korteksin cerebral, pjesa më e avancuar e trurit që përfshin kujtesën, gjuhën dhe arsyetimin kompleks. Ndërkohë, gjene të trashëguara nga babai ndikojnë më shumë në sistemin limbik, i cili kontrollon funksione më primitive dhe zhvillimin fizik.
