Një studim i publikuar së fundmi në revistën shkencore Nature Mental Health ka zbuluar se fjetja mesatarisht 7 deri në 9 orë në natë mund të ulë rrezikun për zhvillimin e depresionit me rreth 22%.
Kërkimi është realizuar nga studiues të Universitetit të Kembrixhit në Britani dhe Universitetit Fudan në Kinë, të cilët analizuan të dhënat e afërsisht 290,000 pjesëmarrësve nga baza e të dhënave UK Biobank.
Sipas tyre, gjumi cilësor është faktori më i rëndësishëm për shëndetin mendor — madje më i fuqishëm se faktorët gjenetikë.
Por përfitimet për mirëqenien mendore nuk ndalen me kaq. Kur gjumi cilësor shoqërohet me zakone të tjera të shëndetshme si:
- aktivitet fizik i rregullt,
- ushqyerje e balancuar,
konsum i moderuar i alkoolit,
shmangie e duhanit, - reduktim i qëndrimit të gjatë ulur,
dhe ndërtimi i marrëdhënieve të qëndrueshme shoqërore,
Atëherë rreziku për depresion mund të ulet deri në 57%, theksojnë autorët e studimit.
Në një kohë kur çrregullimet emocionale janë në rritje, ky studim vjen si një kujtesë e rëndësishme për të vënë gjumin dhe stilin e shëndetshëm të jetesës në qendër të kujdesit për veten.
