Taylor Swift dhe partneri i saj, ylli i NFL Travis Kelce, janë parë sërish në një dalje romantike të premten në mbrëmje, duke ngritur shumë kureshtje te fansat.
Çifti u fotografua teksa mbërrinte në restorantin “Harry’s” në West Palm Beach, Florida, për një darkë të vonë.
Sipas TMZ, ata u shfaqën në lokal pak pas orës 22:00, duke tërhequr vëmendjen e të pranishmëve.
Edhe pse në fotografi nuk shfaqen duke treguar shumë afeksion publik, një dëshmitar tha për TMZ se çifti hyri në restorant dorë për dore.
Taylor dukej plot stil dhe verore, me një fustan me lule me supe të zbuluara dhe flokët e kapura lehtësisht në një topuz të çrregullt.
Ndërkohë, Travis kishte veshur një këmishë me motive bardh e zi, duke reflektuar një stil të relaksuar, por modern.
Çifti, të shoqëruar nga roje sigurie, u panë me gota në duar teksa shkonin drejt një tavoline të rrumbullakët.
Sipas burimeve të TMZ, Taylor preferoi një gotë verë të bardhë, ndërsa Travis shijoi një koktej të veçantë të lokalit.
Duket se romanca mes superyllit të muzikës pop dhe sportistit të famshëm vazhdon të lulëzojë, ndërsa ata shijojnë momente të qeta larg vëmendjes së tepërt mediatike.
