Një iraniane 24-vjeçare, u vra gjatë festimeve për dasmën e saj. Gjatë ceremonisë, një nga të ftuarit qëlloi disa të shtëna me armë zjarri në shenjë gëzimi për martesën, por vrau nusen dhe plagosi dy të ftuar të tjerë. Nusja e quajtur Mahvash Leghaei u godit nga një plumb në kokë dhe humbi jetën menjëherë, duke alarmuar të ftuarit e tjerë të dasmës, e cila po zhvillohej në jug të qytetit të Shirazit. Ndërhyrja e shërbimeve të urgjencës ishte e kotë për të shpëtuar të renë.
Policia e përshkoi ngjarjen si aksident pasi njeriu që hapi zjarrin nuk kishte asnjë qëllim të vriste, por duke pasur një komandim të dobët të armës, ai drejtoi pushkën drejt turmës së të ftuarve në vend të një zone të hapur dhe fishekët përfunduan te nusja dhe jo në ajër.
Pas të shtënave, burri, i cili është kushëri i dhëndrit, u arratis duke mbajtur armën, por më pas është ndaluar nga policia. Nusja ishte një punonjëse sociale dhe njihej për angazhimin e saj ndaj personave të varur nga droga. Organet e saj, pas dëshirave të shprehura më parë nga e reja, janë dhuruar nga familja e saj.
Ndërkaq, rikujtojmë se pas anulimit të shumicës së dasmave gjatë dy viteve të fundit, ngjarja e fundit në Qendrën Lincoln për Artet Performuese, “Të festojmë dashurinë: Një (ri)Martesë” ofroi një mundësi për qindra çifte të pohonin dashurinë e tyre për njëri tjetrin. Ceremonia simbolike dhe jo ligjërisht e detyrueshme u organizua në qytetin e New York nga aktorja, Lea DeLaria, e njohur për rolin e saj në “Orange is the New Black”.
