Ushtria e Kuvajtit deklaroi sot se po i përgjigjet sulmeve ajrore të lëshuara nga Irani, një ditë pasi shteti i Gjirit u godit nga breshëri armësh që shënjestruan një termocentral dhe një objekt nafte.
Mbrojtja ajrore e Kuvajtit po përballet aktualisht me sulme armiqësore me raketa dhe dronë, pas agresionit iranian, thuhet në deklaratën e ushtrisë, ndërsa sirenat paralajmëruese u dëgjuan në kryeqytetin e vendit.
Alarmi nuk u kufizua vetëm në Kuvajt. Sirenat e sulmeve ajrore, sot u aktivizuan edhe në Bahrein, ku Ministria e Brendshme njoftoi:
Sirena është aktivizuar. Qytetarëve dhe banorëve u bëhet thirrje të qëndrojnë të qetë dhe të shkojnë në vendin më të afërt të sigurt.
Gazetarë të AFP-së konfirmuan se sirenat u dëgjuan në kryeqytetin Manama.
