11 pasagjerë përfundojnë në spital, shkak turbulencat e forta!

11 pasagjerë në një fluturim nga Milano në Atlanta përfunduan në spital për shkak të turbulencave të forta pak para uljes së avionit. Në avion ndodheshin 151 pasagjerë dhe 14 anëtarë të ekuipazhit. Dëshmitarët okularë raportuan se të paktën dy nga anëtarët e ekuipazhit u përplasën me tavanin. Mobilizimi ishte i menjëhershëm me ambulancat që nxituan menjëherë pas uljes për të ofruar ndihmën e parë dhe gjithashtu për të dërguar të lënduarit në spital.