Emri i vajzës së dytë të Joe Jonas dhe Sophie Turner më në fund është zbuluar mes divorcit të diskutueshëm të çiftit. Sipas dosjeve të kujdestarisë, këngëtari dhe dy herë fituesja e Emmy-t thuhet se kanë një vajzë të vogël 14 muajshe të quajtur Delphine. Delphine vjen nga fjala greke delphís, e cila përkthehet në ‘delfin’ në anglisht dhe shqiptohet ‘del-feen’.
Njerëzit e famshëm me këtë emër përfshijnë modelen franceze, Delphine Wespiser si edhe Delphine Claire Beltiane Seyrig. Ndërkaq, Turner dhe Jonas ranë dakord të mbanin përkohësisht fëmijët e tyre në New York. Vetëm disa ditë pasi aktorja, i kërkoi ish-partnerit të kthente dy vajzat e tyre të vogla në Angli, dyshja ranë dakord për një urdhër miratimi të përkohshëm që ndalon të dyja palët të largojnë fëmijët nga shteti.
Marrëveshja gjyqësore thotë se dy vajzat e tyre duhet të qëndrojnë në distriktet jugore ose lindore të New Yorkut, një zonë që mbulon qytetin e New Yorkut, Luginën Hudson dhe Long Island. Rikujtojmë, se Turner ngriti një padi në mënyrë që të përpiqej të kthente dy fëmijët e tyre në vendlindjen e saj, Angli. Çifti ishte i martuar për katër vjet dhe mirëpriti vajzën e tyre të dytë, e identifikuar vetëm si ‘DJ’ në korrik 2022.
