Aktorja britanike Sophie Turner, e njohur për rolin e saj si Sansa Stark në serialin “Game of Thrones”, duket se ka gjetur sërish dashurinë.
Sipas mediave ndërkombëtare, 29-vjeçarja është parë në një takim privat në Londër me vokalistin e grupit “Coldplay”, Chris Martin, 48 vjeç — një dalje që ka mjaftuar për të ndezur zërat për një lidhje të re në showbiz.
Burime pranë aktores kanë konfirmuar për “Daily Mail” se Turner ka mbyllur përfundimisht kapitullin me ish-partnerin e saj, biznesmenin britanik Peregrine Pearson.
Marrëdhënia e tyre, e nisur vitin e kaluar, thuhet se mori fund pas një përplasjeje gjatë një dasme luksoze në Itali, ndërsa miqtë e çiftit mohojnë çdo mundësi ribashkimi.
Nga ana tjetër, Chris Martin është gjithashtu beqar. Ai i dha fund lidhjes dhe fejesës disa-vjeçare me aktoren Dakota Johnson në qershor të këtij viti, pas një ndarjeje që sipas burimeve, ndodhi “në mënyrë miqësore dhe me respekt të ndërsjellë”.
Interesante është se Sophie Turner ka qenë prej vitesh një fanse e zjarrtë e grupit “Coldplay”.
Në vitin 2020, ajo u emocionua deri në lot kur ish-bashkëshorti i saj, Joe Jonas, e surprizoi me një videomesazh nga vetë Chris Martin.
Turner dhe Jonas u martuan në vitin 2019 dhe kanë dy vajza: Willa, 4 vjeçe, dhe Delphine, 2 vjeçe. Pas ndarjes së tyre të bujshme në vitin 2023, aktorja është përqendruar te fëmijët dhe karriera, ndërsa duket se tani po i lejon vetes të shijojë sërish dashurinë.
Sipas miqve të saj, Sophie po e jeton këtë periudhë me më shumë qetësi dhe gëzim.
Ajo është më e lumtur se prej kohësh dhe ndihet gati për kapituj të rinj — në jetë, në dashuri dhe në muzikë
-ka thënë një burim për revistën “People”.
