Rebel Wilson dhe Ramona Agruma janë martuar, të cilat kanë ndarë lajmin të dielën në Instagram. Në fotot e publikuara të çiftit në Disneyland, ku duket se ka ndodhur martesa, aktorja australiane është shprehur:
Ne thamë “Po”!
Në postimin e mediave sociale, Wilson dhe Agruma u panë të veshura me pulovra të njëjta ngjyrë rozë dhe të bardhë, të rrethuar me trëndafila rozë me kështjellën ikonë të “Bukuroshes së Fjetur” të Disneyland në sfond. Në njoftim u shfaq edhe një foto e unazës së Agruma e markës së njohur “Tiffany & Co”. Në publikimin e lidhjes së tyre, Wilson në atë kohë ka thënë:
Mendova se po kërkoja për një princ, por ndoshta ajo që më duhej vërtet gjatë gjithë kësaj kohe ishte një princeshë.
Wilson dhe Agruma dolën publikisht me lidhjen e tyre në qershor 2022. Agruma është themeluesja e “Lemon Ve Limon”, një markë veshjesh me bazë në Los Angeles, sipas biografisë së saj në Instagram. Çifti mirëpriti një vajzë, Royce Lillian, nëpërmjet një gruaje surrogate në nëntor 2022.
Nuk mund ta përshkruaj as dashurinë që kam për të, ajo është një mrekulli e bukur! Unë jam përgjithmonë mirënjohës për të gjithë ata që kanë qenë të përfshirë, këto kanë qenë vite në zhvillim, por veçanërisht doja të falënderoja gruan që e mbajti atë dhe e lindi me kaq hir dhe kujdes.
