Shtimi në peshë mund të përkufizohet thjesht si sasia e marrë më tepër se kaloritë që duhet të merren në trup. Por, ku shkon dhjami i djegur kur humbim peshë dhe si largohet nga trupi? Njerëzit bëjnë lloje të ndryshme dietash për të humbur peshën e tepërt ose për të qëndruar në formë. Një zgjidhje tjetër është ushtrimi i rregullt. Ekzistojnë teori të shumta se ku shkon dhjami i djegur me një dietë të shëndetshme dhe stërvitje dhe si largohet nga trupi.
Disa teori janë se yndyrat ekskretohen nga trupi përmes sekretimit të tretjes. Megjithatë, sipas shkencës, heqja e yndyrës nga trupi nuk është aq e thjeshtë. Para së gjithash, një nga gjërat që duhet ditur është se qelizat dhjamore nuk janë qeliza që rriten apo pakësohen siç mendohet.
Qelizat yndyrore në trupin tonë zhvillohen deri në pubertet dhe më pas mbeten të qëndrueshme. Me fjalë të tjera, kur shtohet në peshë, rritet kapaciteti i qelizave yndyrore, jo numri. Shumica e njerëzve kanë menduar se ku shkojnë yndyrat e djegura si rezultat i një diete të shëndetshme dhe stërvitjes. Shkencëtari Ruben Meerman e ka menduar dhe hulumtuar këtë pyetje.
Si rezultat i hulumtimeve, pjesa më e madhe e peshës dhe yndyrës në procesin e djegies së yndyrës ekskretohet përmes traktit respirator. 84% e tij kthehet në dioksid karboni në një masë të madhe dhe nga mushkëritë, yndyrat kthehen në ujë dhe ekskretohen si lëngje trupore përmes djersës, urinës dhe frymëmarrjes. Prandaj, kontrolli i frymëmarrjes luan një rol shumë të rëndësishëm kur merreni me sport.
Ndërkaq, dhjami në bark mund të shkaktojë sëmundje kronike, paralajmërojnë ekspertët. Mënyra e shpejtë e jetës, qëndrimi ulur në punë, si edhe stresi shkaktojnë obezitet te shumica e njerëzve. Mënyra e parregullt e jetës dhe moskujdesi për trupin, mund të shkaktojë edhe probleme shëndetësore. Problemi më i shpeshtë, përkatësisht grumbullimi i dhjamit, shfaqet në zonën abdominale, ndërsa, sipas ekspertëve, pikërisht nga ajo zonë është më e vështirë heqja e kilogramëve të tepërt.
