Motra e Amber Heard dëshmoi së fundmi në seancë gjyqësore se ajo ishte prezente kur aktori Johnny Depp e kapi Heard nga flokët dhe e goditi në fytyrë në mënyrë të përsëritur kur ata ishin të martuar. Whitney Heard Henriquez, motra më e vogël e Amber, dëshmoi në gjykatë si pjesë e çështjes së vazhdueshme të gjyqit kundër shpifjes midis Heard dhe ish-bashkëshortit Depp.
Henriquez tha se ajo jetoi me Heard dhe Depp gjatë marrëdhënies së tyre dhe se ajo e shihte aktorin si një vëlla. Whitney dëshmoi për një grindje në të cilën ajo pa Depp duke hedhur një kanaçe Red Bull mbi infermieren e tij, Debbie Lloyd, të cilën Lloyd e mohoi në dëshminë e saj. Ajo u shpreh se:
Ai vjen pas meje, më godet në shpinë. Dëgjoj Amber duke bërtitur “mos e godit motrën time”. Në atë kohë Johnny tashmë e kishte kapur Amber nga flokët me njërën dorë dhe po e godiste vazhdimisht në fytyrë me dorën tjetër.
![](https://www.topalbaniaradio.com/v7/wp-content/uploads/2022/05/00-5.jpg)
Heard e ka akuzuar Depp se e ka abuzuar fizikisht dhe seksualisht gjatë gjithë marrëdhënies së tyre. Aktori nga ana tjetër mohoi të ketë goditur ndonjëherë bashkëshorten gjatë dëshmisë së tij.
Henriquez, e cila u mor në pyetje nga avokatja e Depp, Rebecca Lecaroz, tha se ajo ndonjëherë sillej si një këshilltare martese dhe, nganjëherë, mbante anën e Depp në argumente. Lecaroz e pyeti Henriquez se pse ajo e mbështeti motrën e saj kur donte të qëndronte akoma në marrëdhënien me Depp edhe pasi e pa që e qëlloi.
Amber ishte shumë e dashuruar, ashtu ishte edhe Johnny. Pavarësisht nëse kam qenë dakord apo jo me të, nëse isha mirë apo jo me atë që ishte duke ndodhur, ajo nuk më takonte mua.
![](https://www.topalbaniaradio.com/v7/wp-content/uploads/2022/05/88-8.jpg)
Të mërkurën, anëtarët e jurisë dëgjuan gjithashtu dëshmi nga dëshmitarë të shumtë, duke përfshirë një grimier dhe një trajner aktrimi që punoi me Heard, i cili tha se e panë atë me lëndime gjatë marrëdhënies së saj me Depp. Dëshmitarë të shumtë thanë se e panë Heard me lëndime në fytyrë pas një grindjeje të majit 2016 që përfundimisht parapriu që Heard të merrte një urdhër ndalimi kundër Depp dhe çifti të divorcohej. Dëshmia e tyre bie ndesh me atë të dy oficerëve të policisë së Los Angeles, të cilët dëshmuan më herët në gjyq se nuk panë lëndime të dukshme në fytyrën e Amber ose rrëmujë në shtëpinë e ish-çiftit.
Producenti i “Pirates of the Caribbean”, Jerry Bruckheimer gjatë një interviste me “The Sunday Times” ka folur për përfshirjen e ardhshme të Johnny Depp. Depp luajti Sparrow në të pesë filmat, ku i fundit ishte filmi i vitit 2017 “Pirates of the Caribbean: Dead Men Tell No Tales”. Bruckheimer tani është duke punuar në dy filma të tjerë, e teksa u pyet nëse Depp do të kthehet, Bruckheimer thjesht tha:
Jo, në këtë pikë ku jemi. E ardhmja ende nuk është vendosur.