Daniel Radcliffe, ylli kryesor i ekskluzivitetit origjinal të filmit “Harry Potter”, kujton aktorin e ndjerë Michael Gambon, pasi Gambon ndërroi jetë nga pneumonia këtë javë në moshën 82-vjeçare. Në një deklaratë për Variety, ai tha:
Michael Gambon ishte një nga aktorët më të shkëlqyer dhe më të thjeshtë me të cilin kam pasur ndonjëherë privilegjin të punoj, por pavarësisht talentit të tij të jashtëzakonshëm, gjëja që do të kujtoj më shumë për të është se sa shumë argëtohej duke bërë punën e tij. Ai ishte dhe qesharak. Ai e donte punën e tij.
Rupert Grint, i cili portretizoi Ron Uezlin në filma, postoi gjithashtu një homazh për Gambon në Instagram, duke shkruar:
Sa e trishtuar të dëgjoj për Michael. Ai sillte kaq shumë ngrohtësi çdo ditë në sheshxhirim. Ai më magjepsi si fëmijë dhe u bë modeli im në jetë.
Gambon portretizoi Dumbledor-in në gjashtë nga tetë filmat “Harry Potter”, një rol që ai mori pas vdekjes së Richard Harris në 2002. Autorja e “Harry Potter”, J.K. Rowling, gjithashtu mori kohë për të kujtuar aktorin të enjten, duke shkruar në X/Twitter:
Sapo kam dëgjuar lajmin e tmerrshëm për ndarjen nga jeta të Michael Gambon. Hera e parë që e pashë ndonjëherë ishte në Mbretin Lir, në vitin 1982, dhe nëse do të më kishe thënë atëherë se ai aktor brilant do të shfaqej në çdo gjë që do të kisha shkruar, do të kisha menduar se isha e çmendur. Michael ishte një njeri i mrekullueshëm përveç të qenit një aktor i jashtëzakonshëm dhe mua më pëlqente absolutisht të punoja me të.
