Së fundmi një apartament luksoz dykatësh, i cili ndodhet brenda Kullave Granville në West Hollywood dhe që dyshohet se i përkiste bukuroshes Marilyn Monroe, ka dalë në treg me një vlerë prej 2.49 milionë dollarësh. Mendohet gjithashtu se legjenda dhe ikona e ekranit u zhvendos në këtë super apartament diku nga vjeshta e vitit 1954 përpara se ajo të zhvendosej në qytetin e Nju Jork-ut në 1955, për të studiuar aktrim dhe më pas për të drejtuar kompaninë e saj të prodhimit ‘MMP’.
Pjesa më mbresëlënëse e të gjithë apartamentit në Sunset dhe Crescent Heights është dhoma e gjumit me pjesën e një super arredimi me të gjitha mobiljet. Në këtë ndërtesë mbizotërojnë tavanet e larta, shkallët rrethore, dyshemetë e druri me ngjyra dhe 2,032 metra katrorë hapësirë.
Dhe sipas agjentes së Agjencisë Amanda Lynn, ekziston një shkallë e dytë sekrete që të çon në një strofkë, e cila është shndërruar në një dollap. Vendi i stilit francez u projektua fillimisht në vitin 1930 nga Leland Bryant dhe ofron dy dhoma gjumi, dy tualete të ngjashme me tualentin me vaskë si edhe dy vende parkimi.
Ka një dhomë ndenjeje të mbushur me dritare, dhomë ngrënieje zyrtare me llambadar dhe një kuzhinë me dollapë çeliku. Ndërkohë që të gjithë banorët e Granville Towers kanë qasje në një pishinë, spa, klub, oborr, kopsht përgjatë 24-orëve. Thuhet se ishte apartamenti i shtatë dhe i fundit i Marilyn-it përpara se të blinte përfundimisht një shtëpi në Brentwood, ku ajo vdiq, në moshën 36-vjeçare, në vitin 1962 nga helmimi.